Frí heimsending þegar verslað er yfir 10.000 kr. eða meira, allt að 20 kg.
Menu
Innkaupakarfa
Engar vörur í körfu.

Um okkur

Stuðlaberg heilbrigðistækni - vöruúrval og þjónusta

Stuðlaberg heilbrigðistækni ehf. er framsækið innflutnings- og þjónustufyrirtæki sem byggir á traustum grunni og áratuga faglegri reynslu en starfsemin tilheyrði áður Heilbrigðissviði Eirbergs. Stoðsvið félaganna eru sameiginleg og yfirstjórn er sú sama. Stuðlaberg býður fagaðilum og almenningi vandaðar vörur og faglega ráðgjöf. Þar starfa hjúkrunarfræðingar, iðjuþjálfar og aðrir sérfræðingar í velferðartækni.

Hjúkrunar- og dagrekstrar­vörur

Afgreiðslan Stórhöfða 25 er opin frá kl. 9:00 til 16:30 virka daga.

Söluráðgjöf Stuðlabergs á sviði stóma- og þvagleggja er sú viðamesta hér á landi og er í höndum hjúkrunarfræðinga sem hlotið hafa sérþjálfun framleiðenda. Veitt er persónuleg aðstoð við að finna hentugar vörur sem eru í rammasamningum Sjúkratrygginga Íslands. Vörupantanir má senda á hjukrun@stb.is eða símleiðis. Vinsamlegast gefðu upp nafn þess sem pantað er fyrir, kennitölu, hvaða vöru verið er að panta og magn. Fyllsta trúnaðar er ætíð gætt. Pantanir eru afgreiddar eins fljótt og auðið er.

Sýningarsalur og upplýsingavefur

Í björtum sýningarsal Stuðlabergs á neðri hæð að Stórhöfða 25eru til sýnis og prófunar hin ýmsu hjálpartæki, búnaður og stuðningsvörur. Hópar heilbrigðis­starfsfólks og nemenda koma reglulega í heimsókn til fræðslu og vörukynninga á vegum Stuðlabergs og erlendra framleiðenda. Æskilegt er því að gera boð á undan sér ef fá þarf faglegar upplýsingar eða fræðslu um búnað. Við bjóðum fagfólki og skjólstæðingum þeirra velkomið í sýningarsalinn. Senda má ósk um heimsókn á netfang tiltekins starfsmanns eða á netfangið stb@stb.is

Upplýsingavefur Stuðlabergs býður fjölbreytt vöruval sem finna má undir vöruflokkum og undir vöruheitum framleiðenda. Þar er unnt að afla sér fræðslu um heilbrigðisvörur og ganga frá pöntunum. Einnig má nota leitargluggann efst til að finna vörur.

Markmiðin okkar eru að

  • Auðvelda fólki daglegt líf
  • Styðja einstaklinga til sjálfshjálpar
  • Auka vinnuvernd og hagræði

Stuðlaberg og Sjúkratryggingar Íslands hafa gert með sér samninga um

  • Bað- og salernishjálpartæki
  • Barna- og hjúkrunarrúm
  • Gönguhjálpartæki
  • Fólkslyftara
  • Hjólastóla og hjálparmótora
  • Viðgerðarþjónustu hjálpartækja

Stuðlaberg er einnig með rammasamninga við Landspítala um rekstrarvörur og ýmsan búnað.

Söluráðgjafar Stuðlabergs heilbrigðistækni ehf.

NafnNetfangBeinn sími
- Anna Sigríður Pétursdóttir  BA MScanna@stb.is569-3185
- Berglind Bára Bjarnadóttir  iðjuþjálfiberglind@stb.is569-3188
- Hildur Björk Hilmarsdóttir  B-Ed MBAhildurbjork@stb.is569-3182
- Jóhanna Ingólfsdóttir  iðjuþjálfijohanna@stb.is569-3186
- Katrín Klara Þorleifsdóttir  hjúkrunarfræðingurkataklara@stb.is569-3184
- Tanja Björk Jónsdóttir  hjúkrunarfræðingurtanja@stb.is569-3198
- Einar Ingi Jónsson  tæknimaðureinaringi@stb.is569-3191

Almennar fyrirspurnir og pantanir: stb@stb.is - 569-3180

Verkstæði Eirbergs og Stuðlabergs Stórhöfða 25

Þjónustusamningur er við Sjúkratryggingar Íslands. Aðkoma er Grafarvogsmegin að norðanverðu fyrir miðju húsi. Næg bílastæð, ásamt stæði fyrir hreyfihamlaða. Hægt er að senda þjónustubeiðnir á hjalp@stb.is - Sími 569-3190.

Vöruhús Eirbergs og Stuðlabergs Stórhöfða 25

Vöruhús er opið frá kl. 8-17. Netfang: voruhus@eirberg.is - Sími: 569-3127.

Skrifstofa Eirbergs og Stuðlabergs heilbrigðistækni ehf.

Skrifstofan Stórhöfða; fjármál, bókhald, innheimtur og innflutningur, er opin kl. 8:30-16:30. Netfang skrifstofu: skrifstofa@stb.is

Sagan

Systurfélögin Eirberg ehf. og Stuðlaberg heilbrigðistækni ehf. eiga rætur að rekja til Ó. Johnson og Kaaber ehf. (stofnað 1906) og Hjálpartækjabankans, en ÓJ&K og Össur hf. stofnuðu Eirberg í lok árs 2000 þegar Heilbrigðisvörudeild ÓJ&K og Hjálpartækjabanki Össurar runnu saman í eitt fyrirtæki sem ætlað var að sækja fram á heilbrigðissviði og útvíkka sameinaða starfsemi með auknu vöruframboði.

Heilbrigðisvörudeild ÓJ&K sérhæfði sig í sölu á ýmsum vörum til heilbrigðisstofnana, allt frá hjúkrunarvörum til sjúkrarúma og lækningatækja. Hjálpartækjabankinn var stofnaður af Sjálfsbjörgu og Rauða krossi Íslands 1975 en komst 20 árum síðar í eigu Össurar. Hann var miðstöð hjálpartækja í landinu með göngugrindur, fólkslyftara, hjólastóla og önnur hjálpartæki ásamt hjúkrunarvörum.

Sautján árum síðar 1. janúar 2018 flutti þessi vaxandi grunnstarfsemi, Heilbrigðissvið Eirbergs sem svo var farið að kalla, yfir í Stuðlaberg heilbrigðistækni ehf. Verslanir Eirbergs nutu aukinna vinsælda með vandaðar vörur til heilsueflingar og bættra lífsgæða, því var aðskilnaður rekstrar rökrétt skref til að efla vöxt bæði heilbrigðissviðs og verslunarsviðs.

Helstu erlendu birgjar Stuðlabergs heilbrigðistækni ehf. eru í Austurríki, Bandaríkjunum, Bretlandi, Frakklandi, Hollandi, Kanada, Skandinavíu og Þýskalandi. Innlendir birgjar eru Distica og Parlogis.