Þvagleggjaþjónusta Stuðlabergs

Alt
on 22 Aug 2018 4:09 PM

Ástæður þess að einstaklingar þurfi að nota þvagleggi eru margar og misjafnar. Leggirnir skiptast í tvær gerðir, inniliggjandi- eða aftöppunarleggi. Inniliggjandi leggir eru nýttir þegar einstaklingar hafa ekki þvaglát sjálfir og allt þvag rennur út um legginn. Aftöppunarleggir eru notaðir til aftöppunar þegar einstaklingar hafa sjálfir þvaglát en þurfa að notast við legg endrum og eins hvort sem er vegna þvagtregðu eða til þess að tæma þvagblöðruna betur. Sá tími sem einstaklingar þurfa að nota þvaglegg er misjafn sumir þurfa þess til mjög skamms tíma en aðrir mun lengur og jafnvel ævilangt.  

Einstaklingar sem hafa fengið tilvísun og viðeigandi kennslu hjá lækni eða á göngudeild þvagfæra á Landspítalanum geta fengið afgreidda flest allar gerðir þvagleggja sem eru samningsbundnir við Sjúkratryggingar Íslands. Stuðlaberg Heilbrigðistækni er þjónustuaðili fyrir sjúkratryggða einstaklinga og afgreiðir aftöppunarleggi frá Coloplast og Lofric leggi frá Wellspect og alla fylgihluti við inniliggjandi langtíma leggi en þó ekki legginn sjálfan. Þvagleggir eru að fullu greiddir af sjúkratryggingum íslands til sjúkratryggðra einstaklinga með innkaupaheimild.

Ferlið gengur þannig fyrir sig að eftir að læknir eða hjúkrunarfræðingur sendir inn beiðni til sjúkratrygginga um afgreiðslu á aftöppunarþvagleggjum geta einstaklingar haft samband við Stóma og þvagleggja þjónustu Stuðlabergs og fengið afgreiðslu og ráðgjöf eftir því sem hentar. Aftöppunarleggir skiptast í herra og dömuleggi og innan þess eru þó nokkrar breytur svo flestir ættu að finna legg sem þeim hentar best. Mikil vöruþróun á sér stað og því mikilvægt að fylgjast reglulega með og kanna hvort að á markaðinn hafi komið nýjungar sem gætu hentað.

Algengt er að heimahjúkrun um allt land panti aftöppunarleggi og viðeigandi búnað fyrir sína skjólstæðinga.

Stuðlaberg Heilbrigðistækni leggur mikinn metnað í að þjónusta þá einstaklinga eða umönnunaraðila þeirra sem þurfa að nýta þvagleggi. Stóma og þvagleggja þjónusta Stuðlabergs er sinnt af tveimur hjúkrunarfræðingum Eddu Ólafsdóttur og Katrínu Klöru Þorleifsdóttur. Stóma og þvagleggja þjónustan er opin frá kl 09-16:30 alla virka daga. Hægt er að koma við að Stórhöfða 25 í Reykjavík þar sem afgreiðsla fer fram í sér viðtalsherbergi, til þess að tryggja persónulega þjónustu. Pantanir og upplýsingar eru veittar í síma 569-3195, einnig er hægt að senda tölvupóst á póstfangið hjukrun@stb.is

Allar pantanir sem berast með tölvupósti eða símleiðis eru afgreiddar daginn eftir. Hvort sem er innan höfuðborgarsvæðisins eða til flutnings á næsta pósthús til viðskiptavina sem búsettir eru á landsbyggðinni.

                                                                                           her_erum_vid.png