Söluráðgjafi heilbrigðisvara

Alt
on 13 Mar 2019 3:55 PM

Vilt þú slást í hópinn? Leitum að áhugasömum einstaklingi sem hefur það sem til þarf til að ná árangri.

 

Starfssvið

  • Vörukynningar og sala til heilbrigðisstofnana
  • Mynda tengsl við viðskiptavini og viðhalda þeim
  • Ábyrgð á vörumerkjum og samskipti við birgja
  • Greina viðskipta- og vaxtatækifæri
  • Þátttaka í vörusýningum og ráðstefnum
  • Tilboðsgerð og svörun verðfyrirspurna
  • Afgreiðsla á hjúkrunarvörum til einstaklinga í afleysingum

Hæfniskröfur

  • Menntun á sviði heilbrigðisvísinda æskileg
  • Reynsla af sölu og ráðgjöf til stofnana
  • Samskiptafærni, þjónustulund og fagmennska
  • Lausnamiðaður einstaklingur með frumkvæði
  • Tölvulæsi og öguð vinnubrögð
  • Gott vald á íslensku og ensku

 

Umsóknarfrestur er til 31. mars 2019

Áhugasamir, sem uppfylla ofangreind skilyrði og vilja starfa hjá öflugu fyrirtæki í góðum hópi, eru hvattir til að senda umsókn ásamt starfsferilsskrá með mynd á atvinna@stb.is merkt: Söluráðgjafi. Um er að ræða fullt starf frá kl. 9-17 að öllu jöfnu. Farið er með allar umsóknir sem trúnaðarmál og þagmælsku gætt.

 

Fagmenntað fólk í þína þágu

Stuðlaberg heilbrigðistækni ehf. er framsækið innflutnings- og þjónustufyrirtæki sem byggir á traustum faglegum grunni og áratuga reynslu. Starfsfólk Stuðlabergs hefur víðtæka þekkingu og menntun á heilbrigðissviði. Meðal starfsmanna eru þroska- og iðjuþjálfar, hjúkrunarfræðingar og heilbrigðismenntað starfsfólk með áralanga starfsreynslu.

Stuðlaberg selur hjálpartæki, búnað og rekstrarvörur fyrir sjúkrahús og heilbrigðisstofnanir og leggur áherslu á faglega þjónustu til heilbrigðisstofnanna, fagfólks og skjólstæðinga þeirra. Vörur sem auðvelda daglegt líf og styður fólk til sjálfsbjargar, einnig vörur sem auka hagræði og vinnuvernd. Stuðlaberg er samstarfsaðili Sjúkratrygginga Íslands, er aðili að fjölmörgum rammasamningum og er í samstarfi við heilbrigðisstofnanir um land allt.

Starfsemi Stuðlabergs heilbrigðistækni ehf. sem var áður í heilbrigðissviði Eirbergs er því orðið sjálfstætt systurfyrirtæki þess. Stuðlaberg er í sama húsnæði og Eirberg að Stórhöfða 25 í Reykjavík og deila systurfyrirtækin stoðsviðum, vöruafgreiðslu, innheimtum og innflutningi.