Skynörvandi vörur frá Protac

Alt
on 09 Apr 2014 2:36 PM

Hvernig geta ábreiða, sessa, vesti, stóll og dýna fyllt plastkúlum,  haft áhrif á skynjun okkar og líðan? Eitt  mikilvægasta skynfærin okkar  er húðin. Við skynjum með snertingu.  Boð eru send til heilans sem hjálpa okkur að skynja og upplifa  eigin líkama. Þegar legið er undir kúluábreiðu veitir hreyfing og þyngd kúlnanna stöðuga örvun á vöðva og liðamót. þessi upplifun veitir öryggi og  virkar róandi. Samspil þessa þátta er grunnurinn í  vöruþróun Protac.  Kúluábreiðan var fyrsta framleiðsluvaran. Hún er framleidd í ýmsum  stærðum og þyngdum eftir stærð og þyngd notanda og hve mikla skynörvun á að veita.  Samkvæmt rannsókn sem unnin var í Syddansk Universitet í Odense hefur  notkun kúluábreiðunnar  bætt  svefn barna með ADHD, þau eiga auðveldara með að sofna og svefninn er samfelldari, einnig dró úr óróleika og einbeitingarskorti . Niðurstöður rannsóknarinnar birtust  í Nordic Journal of Phychiatry í apríl 2011. 

PRO-201-12_1

 

Kúlusessan  er til í nokkrum stærðum og útfærslum.   Hún er notuð á heimilum  leikskólum og skólum. Sessan veitir virka setstöðu og þjálfar jafnvægi. Þegar setið er á sessunni hreyfir maður sig ósjálfrátt vegna hreyfingar á kúlunum og flytur líkamsþungann til að ná jafnvægi. Við þetta örvast bak og bolvöðvar . Sessan nýtist mörgum börnum með ADHD og öðrum sem eiga erfitt með að sitja rólegir .  Hægt er að nota sessuna i markvissri þjálfun t.d  á jafnvægi og skynjun.  Nýlega kom á markaðinn púði 10 eða 20 cm hár, hann nýtist vel undir fætur þegar setið er á sessunni. Púðann má einnig nota sem sessu á gólf fyrir leikskólabörn eða í leikjum og þjálfun. Kúluvesti: Vesti  sem fellur vel að líkamanum , þyngd og snerting kúlnanna,  dregur úr  vanlíðan  róar og eykur líkamsskynjun. Vestið er til í barna og fullorðinsstærðum. Stóll: fylltur kúlum með vængjum sem leggjast yfir brjóst og læri. Stóllinn veitir svipaða örvun og þegar legið er undir ábreiðunni. Hægt er að fá skammel undir fætur fyllt kúlum. Dýna: fyllt lofti og kúlum , hægt er að liggja, standa, skriða og leika sér á dýnunni. Ekki er sama áferð á báðum hliðum, með því að snúa dýnunni fæst annarskonar örvun. Kjöltupúði: þungur púði með litlum kúlum . Púðinn er lagður í kjöltu og festur með belti um mitti ef hætta er á að hann renni niður. Púðinn er ætlaður fullorðnum og hefur reynst vel t.d fyrir alzheimer sjúklinga. Vörurnar frá Protac hafa nýst vel í Íslenskum leikskólum, skólum, á heimilum og sambýlum, þjálfunar og hæfingarstöðvum.  Við lánum ábreiður  og sessur til prufu í 7-10 daga. Elfa Björt þroskaþjálfi  

 

PRO-101-1-A_6