Óskum að ráða viðgerða- og þjónustufulltrúa

  • Forsíða
  • /
  • Óskum að ráða viðgerða- og þjónustufulltrúa
Alt
on 30 Jan 2012 6:08 PM

Leitum að traustum starfsmanni til almennra viðgerða og uppsetninga á rafmagnsbúnaði fyrir heilbrigðisstofnanir. Hæfileikar og menntun

  • Rafvirkjun eða sambærileg menntun
  • Vilji til að leysa krefjandi verkefni
  • Nákvæm vinnubrögð og stundvísi
  • Jákvætt viðhorf og glaðlyndi

Helstu verkefni

  • Uppsetning loftfestra lyftukerfa
  • Almennar viðgerðir og eftirlit
  • Uppsetning á þráðlausum búnaði
  • Þjónusta og önnur tilfallandi störf

Um er að ræða framtíðarstarf á reyklausum vinnustað. Umsóknarfrestur er til 12. febrúar 2012 og skal senda umsóknir með starfsferilsskrá til okkar á netfangið ahj@eirberg.is  merkt UMSÓKN. Staðfesting móttöku umsókna verður send innan 24 stunda. Eirberg ehf. er innflutnings- og þjónustufyrirtæki sem hefur á að skipa fagmenntuðu starfsfólki. Markmið okkar er að efla heilsu og auka lífsgæði, auðvelda störf og daglegt líf, stuðla að hagræði og vinnuvernd. Í versluninni að Stórhöfða 25 er úrval vandaðra vara fyrir almenning sem vill bæta líðan sína og frammistöðu. Einnig bjóðum við vörur og búnað fyrir heilbrigðisstofnanir og fagfólk. Persónuleg ráðgjöf og þjónusta er ætíð höfð að leiðarljósi. Eirberg leggur áherslu á að hver starfsmaður fái að njóta sín í starfi og hafi svigrúm til að ná settum markmiðum í góðum hópi. Stefna fyrirtækisins er að hafa traust starfsfólk sem njóti möguleika til símenntunar, nái framúrskarandi árangri og sýni viðskiptavinum virðingu og trúnað.

Sjá nánari upplýsingar um Eirberg á eirberg.is